Begrænset gyldighedsområde
Ulloq 1. januar 2019 aallarnerfigalugu Avannaata Kommunia pillugu pilersaarut 2018-20130 atuutilersinneqarpoq ullorlu taanna aallarnerfigalugu atuutilerluni kommuneplania.avannaata.gl
Tamanna isumaqarpoq, Qaasuitsup Kommunia pillugu pilersaarut 2014-2026 taamaallaat Kommune Qeqertalik kisiat pillugu ulloq 1. januar 2019 aallarnerfigalugu atuutilermat.

Oqartussaaffiit allat akuersissutaat

§ 21 Oqartussaaffiit allat akuersissutaat

21.1 Nunaminertanik atugassiineq taamaallaat nunaminertanut inatsisitigut pissutsinut tunngavoq. Oqartussaaffinnit allanit akuersissutit, ilanngullugit sanaartornissamut akuersissutit, qaartitserinissamut akuersissutit, avatangiisinullu akuersissutit immikkut qinnutigineqassapput.

21.2 Nunaminertamik atugassiissummi illuliornermut, sanaartornermut allaniluunniit atatillugu akuersissutinik pisariaqartunik pissarsiniartoqassasoq Kom-munalbestyrelsip nalunaarusitigisinnaavaa, ilanngullugit sanaartornissamut akuersissut, assaanissamut akuersissut, aamma eqqakkat aqqutaannut pingaarnernut, kiisalu innaallagissamut, imermut telemullu attaviliinernut akuersissutit.

21.3 Pilersaarutigisatut suliarisassanut Namminersorlutik Oqartussanit avatangiisinut akuersissummit aamma uumasut nakorsaata oqartussaaffianit akuersissummik pissarsiniartoqassaneranik naatsorsuuteqarto-qassasoq nunaminertamik atugassiissummi Kom-munalbestyrelse nalunaaruteqarsinnaavoq.

21.4 Nunaminertanik atugassiissummik piginnittup akuersissutinik assigisaannilluunniit pingaarutilinnik pissarsiniarnissaq nammineq akisussaaffeqarfigaa, taakkulu nunaminertanut oqartussaasoqarfimmut nassiutissallugit.

Avannaata Kommunia · Postboks 1023 · 3952 Ilulissat · Grønland · www.avannaata.gl · E-mail: plania@avannaata.gl · Tlf.: +299 70 18 00
Kommune Qeqertalik · Postboks 220 · 3950 Aasiaat · Grønland · www.qeqertalik.gl · E-mail: plan@qeqertalik.gl · Tlf.: +299 70 19 00
Kingullermik iluarsineqarpoq 8-1-2014